LAOAG CITY – Maestablisar ti 9 nga Auxiliary Office iti Ferdinand Marcos Stadium para iti 2025 Palarong Pambansa.
Segun ken ni Mrs. Helen Rose Domingo, mangidadaulo ti Provincial Sports and Development Office, daytoy ket kalpasan a kiniddaw dagiti pannakabagi ti Palarong Pambansa ti nasao a gagem.
Inbatadna a pinadasda nga inlungalong a maestablisar dagitoy nga opisina iti ruar ti Marcos Stadium ngem saanda nga immanamong gapu ta kaaduan kadagiti tattao ket adda iti uneg ti nasao nga stadium.
Inlawlawagna a ti nadakamat nga opisina ket agserbi kas kaalistoan nga asitgan wenno pagkamangan dagiti posible nga adda ti problema wenno concern dagitoy.
Naammoan a dagiti nasao nga opisina ket maestablisar kadagiti baba ti bleachers.
Kabayatanna, agtultuloy ti preventive maintenance nga isaysayangkat ti probinsia iti Marcos Stadium para iti 2025 Paralong Pambansa.
