LAOAG CITY – Inbatad ni Dept. of Social Welfare and Development (DSWD) Asst. Sec. Ada Colico, ti Statutory Program Operations ti ahensya a nangipaay da ti tallo ribo a pisos iti kada benepisyaryo ti Assistance to Individual in Crisis Situation (AICS) bayat ti Bagong Pilipinas Serbisyo Fair.
Segun kenni Colico, ditoy probinsya ket 31 a ribo ti benepisyaryo iti Assistance to Individual in Crisis Situation (AICS) kasta met ti livelihood assistance nga ipaay ti ahensya nga agbalor met ti 8.2 milyon a pisos ken amin dagitoy nga ipaay ti ahensya ket agbalor ti 96 milyon a pisos.
Inbatad na a ti ciudad ti Laoag ti kaadoan ti bilang dagiti benepisyaryo ti Assistance to Individual in Crisis Situation nga umabot iti innem a ribo.
Inlawlawag na nga iti daytoy a programa ket isu ti payout no sadinno dagiti benepisyaryo ket navalidate ti lokal a gobierno ken ti ahensya.
Mainaig iti daytoy, ado pay a kailian ti naserbian iti daytoy nga aldaw ken agpatingga intono bigat, Setiembre 24.
