LAOAG CITY – Nabigbig kas kabaketan a food YouTuber iti intero a lubong ti maysa a 96 year old a baket manipud iti Jamaica.
Ni Aileen Chin, agnanaed iti Miami Florida ket ket nagsaerbi nga inspirasion kaedagiti minilyon a viewers iti social media no sadinno ket bibiagen ni Aileen dagiti daan a recipe-na a nakalemmeng iti maysa a sako.
Iti baet ti tallo a tawen, agtultuloy ti panangipabuya dagiti agapoko kadagiti recipe-da a pinaragsak ti ekspresionda a “mirahti!” – maysa a Jamaican expression nga ususarenda tapno ibagada no kasano a kaimas ti kankanenda.
Nangrugi ti hobby ni Aileen nga agluto idi lima pay laeng ti tawenna agingga a nangipatakderda ti maysa a panaderya kaduana ti asawana sadiay Highgate, St. Mary idi 1950s ket bayat ti panagserra ti panaderyada idi 2008 ket intulyuloyna latta ti hiligna nga agluto.
Kabayatanna, gapo ti pannakaibigbig ni Aileen kas kabaketan a Youtuber iti intero a lubong ket inikkan daytoy ti Guinnes World Book of Records ti pammigbig kas oldest living food/cooking YouTuber.
