LAOAG CITY – Ilunglungalong ti gakat a limitaran ti panaglako ti taraon a nangato iti fat ken sugar wenno dagiti junk food iti 50 metro a radius dagiti pagadalan iti India.
Daytoy a gakat ket gagemna a lappedan ti consumption ti junk food iti pagilian kontra iti panangngato ti kaso ti obesity, kangrunaan kadagiti ubbing.
Mainaig iti daytoy, maapektaran dagiti family-run business, restaurant ken food stands nga aglaklakko ti sugary soft drinks, salty ken oily wenno mamantika a taraon nga asideg iti 1.5 million a pagadalan iti nadakamat a pagilian.
Segun ken ni Rajit Punhani, chief executive ti Food Safety and Standards Authority ti India, a ti “safe food” schools plan ket gagemna nga iturong nga iyadayo dagiti ubbing manipud iti saan a nasalun-at wenno unhealthy habits ken maallukoy dagitoy ti nasalun-at nga aramid.
