LAOAG CITY – Nagkari ti India-based iSON Group ti $75 million a baro ken napalawa nga investment iti pagilian a manamnama a mangaramid ti sumurok-kumurang 2,000 a trabaho.
Kasaruno daytoy ti serye ti business meeting ni Presidente Ferdinand “Bongbong” Marcos Jr. iti New Delhi, India.
Sakup ti investment plans ti kompania ti agricultural technology, healthcare, business process outsourcing ken digital infrastructure.
Pakairamaan ditoy ti plano a $50 million agro-solar project, healthcare ken 24/7 teleconsultation services, ken $10 million expansion ti Business Process Outsourcing wenno BPO ken global delivery centers.
Segun ken ni Trade and Industry Secretary Maria Cristina Roque a nangirakurak pay dagiti dadduma nga Indian companies ti plano a palawaen ti operasionda iti pagilian iti digitalization, artificial intelligence, telecommunications ken dadduma pay a technology-driven industries.
Nakitaripnong pay ni Marcos iti NPCI International Limited tapno adalen ti possible a panagusar iti pagilian ti payment system a nakabasar iti Unified Payments Interface wenno UPI iti India a kabinnulig ti LandBank.
Trinatar pay ti Presidente iti GMR Group ken Cavitex Holdings ti pannakapadur-as ti Sangley Point International Airport iti Cavite, a target a pagbalinen a multi-runway aviatyion hub tapno makatulong iti panaglukay ti air traffic ken panangpapigsa ti logistics ken turismo.
Maipalagip a nagatendar ni Marcos iti India para iti 18th BRICS Summit kas chairman ti ASEAN ita a tawen 2026.
