LAOAG CITY – Natay ti 6 nga estudiante ken 6 ti nasugatan bayat nga agtultuloy ti pannakasarak kadagiti dadduma pay iti narpuug a pasdek iti New Delhi idiay India.
Segun ken ni New Delhi Chief Minister Rekha Gupta, naisalakan dagiti rescuer ti sumurok 12 nga indibidual kalpasan a narpuug ti hostel iti Satya Niketan a nagserbi kas pribado a lugar dagiti agad-adal iti Delhi University.
Basar met kadagiti lokal nga otoridad, sumurok 55 ti tawen ti pasdek a narpuug ken sumagmamano metten a bulan a maipadpadalan daytoy iti renobasion.
Iti agdama, agtultuloy met ti operasion nga iwaywayat dagiti search and rescua iti India para kadagiti dadduma pay a napupok iti nasao a pasdek.
