LAOAG CITY – Nangisuot ti sinan aso a maskara ti maysa a lalaki iti maysa a public grievance hearing iti Collectorate office idiay Madhya Pradesh, India.
Ti panangisuot ti lalaki ti sinan aso a maskara ket para iti panawaganna a natalged a sterilization kadagiti stray dogs wenno aso nga agkaiwrang kadagiti kalkalsada.
Malaksid iti panangisuotna ti maskara, nagaramid pay ti lalaki ti arigna dog-like sounds bayat a nakasango daytoy kadagiti opisial tapno maipublikarna ti maipagarup anomalia iti sterilization program-da ken ti problema ti panagado ti makagkagat ti agkaiwarang nga aso iti pagilianda.
Kabayatanna, basar iti datos, sumurok 13,225 nga indibidual iti siudad ti nakagat ti aso gapu iti maipagarup pagkurangan dagiti opisial iti sterilization program-da.
