LAOAG CITY – Umabot ti 412 a kaso ti naipila mainaig ti panagsalungasing iti linteg seknan panggep iti maipawil nga agas iti Regional Trial Court Branch 13 iti maikatlo a qaurter ita a tawen.
Daytoy ti inbatad ni Atty. Bernadette Espejo Nartatez, clerk of court ti nasao nga opisina.
Segun kenni Nartatez, ti nasao a datos ket manipud iti area of jurisdiction ti nasao a korte a pakaibilangan ti Laoag, San Nicolas, Dingras, Sarrat, Piddig, Nueva Era, Bacarra, Vintar, Solsona, Marcos ken Banna.
Basar iti report, ti agdama a tawen ket nakaresolbar ti nasao a korte ti 38 a kaso seknan iti maipawil nga agas a pakiramanan ti 15 a guilty cases, 10 a naipababa ti kaso na ken uppat a napaawan basol.
