(Update) LAOAG CITY – Naipisuken ti pagbaludan ti suspek a ni Mr. Edwin Jose agtawen ti 53, maysa nga agil-ilot, naasawaan ken residente iti Brgy. 1 ditoy ciudad ti Laoag kalpasan a nakaruar daytoy iti ospital gapo ta simken ti sakit na nga asthma.
Maipalagip a natiliw ti suspek iti search warrant operation ti PNP Laoag a nakalaan da iti tallo a big heat sealed sachet a naglaon iti maipagarop a shabu ken 4 a bala para iti kalibre 22 a paltog iti pagtaengan na itay kallabes.
Immunan a napilaan ni Jose iti kaso panaglabsing ti RA 9165 wenno Comprehensive Dangerous drugs act of 2002 ken RA 10591 wenno Comprehensive Law on Firearms and Ammunition.
Nairekomendar ti agarop 200 a ribo a pisos a piyansa ti suspek para iti temporaryo a pannakawaya-waya na .
