LAOAG CITY – Immabot ti 76 prosphetic hand babaen ti LN-4 foundation manipud idiay Amerika.
Daytoy ti kinumpirmaran ni Mrs. Estrella Baby Sacro iti Environment and Natural Resources Office a maysa kadagiti ambassador iti nasao a grupo.
Naamoan a 73 ti ummuna a naipaayan ti prosphetic hand iti mismo a Mall iti ili ti San Nicolas ken kimmamakam dagiti tallo iti Sang. Panlalawigan session hall.
Segun kenni Sacro, agtultuloy ti panagawat da kadagiti mangayat nga umawat ti prosphetic hand kangrunaan na dagiti biktima ti paputok ken iligal a panagdinamita ken dadduma pay.
Ti LN-4 ket inpan ditoy Pilipinas dagiti agasawa a da Mr. & Mrs. Rey ken Grace Cabato a taga Iloilo City.
Inpanamnama dagitoy ti panangsukat da kadagiti maperdi a prosphetic hand ken kinarit da dagiti addaanen nga usaren da daytoy para iti panagbiag da a normal.
