LAOAG CITY – Pormal a nagsapatan ni dati a gobernador Michael Marcos Keon kas baro a konsehal ti suidad ti laoag.
Mismo a ni Hon. Judge Jonathan Asucion ti Branch 2 ti Municipal Trial Court in Cities ti namagsapata ken ni Keon a mangaken iti nagbakante a posision ti kinakonsehal ti ciudad ti laoag gapu iti ipupusay ni dati a Vice Mayor Michael Fariñas babaen iti pannakasurot ti rule of succession.
Inmatangan daytoy dagiti supporters ken kaalyado na iti Nationalista Party a partido na.
Mainaig iti daytoy, inbatad ti opisyal a nakasagana nga agatendar iti damo a regular session ti Sangguniang Panglungsod ti laoag inton lunes.
Kinontra na pay ti damag nga adda plano na nga ag-withdraw iti pagpaidasigan na a posisyon ditoy ciudad ti Laoag.
