LAOAG CITY – Ballaigi ti naisayangkat nga eleksiyon dagiti opisyales ti Zanhera San Marcelino et al iti Bgy. San Marcelino iti ili ti Dingras.
Napili ditoy a Presidente ni Mr. Denver dela Cruz kontra iti kinabalubal na a ni Bgy. Kag. Benito Alozo.
Nakagun-od ni dela Cruz ti botos a 301 idinto a ni Alonzo ket 262.
Mainaig iti daytoy, inpanamnama ni dela Cruz ti transparency iti panagserbi na.
Kiniddaw na ti kooperasyon dagiti kakadua na para iti napinpintas a panagserbi da.
Kuna na a kalpasan ti eleksiyon ket ploano da ti agcourtesy call iti National Irrigation Administration (NIA).
Maipalagip a nagbalin a kontrobersiyal ti eleksiyon ti nasao a zanhera gapu iti rumrumuar a dua a grupo iti agpinpinnapilit mainaig iti eleksiyon.
