LAOAG CITY – Kinumpirmaran ni INEC Board President, Director Cocoy Ruiz nga ado pay dagiti poste a nadalapos ti road widening ti masapol a mai-rellocate.
Segun kenni Ruiz, gapo ta saan da a magabenan daytoy ket inrekomendar na kadagiti kakadwa na a mangala da pay ti contractual a tumulong.
Inlawlawag na a maysa kadagiti rason no apay a saan pay a maiyakar dagiti poste ket dagiti agtagikua ti lote a pakaipatakderan na.
Daytoy ket gapo ta masapol ti permiso dagiti maseknan tapno maipatakder da dagiti poste.
Inbatad na a masapol kuma a kadwa ti INEC ti DPWH a makisarita kadagiti agtagikua ti lote tapno ipalubos da a mausar ti daga da.
