LAOAG CITY- Nailatangan ti budget ti maysa a garbage conveyor kas paset ti waste segragation program iti ciudad ti Batac.
Daytoy ti inbatad ni Engr. Noralyn Manahan, ti City Planning and Development officer iti nasao a ciudad.
Segun kenni Manahan, agbalor ti nasao a coveyor ti 4.2 million a pakaibilangan ti mismo a coveyor machine ken iti shed wenno pagyanan na.
Innayon na a mangaladan to pay ti 8 a laborers nga isu ti managsisina kadagiti plastic, bote ken dadduma pay a non-biodegradable.
Nu pay naiget ti panagpatungpal da ti waste segregation ti kada barangay ket adda latta dagiti makalusot a sako wenno bag nga adda dagiti saan a nasegragate tapno mausar pay dagiti mabalin a kasapulan.
