LAOAG CITY – Inbatad ni Mr. Napoleon Uy wenno maaw-awagan ti Doctor Uy, adda ti dara na a chinese ken agnanaed idiay Bacarra, Ilocos Norte nga idi pay laeng pebrero 4 a rinugyan da ti nagselebrar para iti Chinese New Year.
Inlawlawag na a ti maysa kadagiti saan da a maikkat nga idasar ken kanen no maselebraran ti chinese new year ket ti tikoy.
Segun kenkuana, ti tikoy ket napigget a mangisimsimbolo iti panagsalimetmet, nasam-it a kayat na a sawen ket nainot ti panagbiag ken napintas ti pannakilangen-langen iti pada a tao.
Gapu ti daytoy, ibilang ni Uy a nagasat dagiti maik-ikkan ken gumatgatang iti tikoy, chinese man wenno saan.
