LAOAG CITY – Natay ti maysa a masikog a kalding a taraken ni Mr. June Fagaragan, residente ti Barangaay Maabusag Norte idiay ili ti Badoc kalpasan a narekobre da a nawat-watak ti buksit ken awanen dagiti lalalem ti nasao a dingwen.
Segun kenni Fagaragan, basar iti nagyanan ti kalding ket atapen na nga aso ti akin-aramid ti nasao a pasamak gapu kadagiti tuggut a nagwaras iti pagpupukan ti nasao a taraken na.
Inbatad na a saan na naiyapon dagiti taraken na gapu ta patyen na nga awan met ti agtatakaw iti lugar da.
Nasdaaw laengen ni Fagaragan ta naduktalan na a naburayayan ti nasao a dingwen.
Kunana a damo a pasamak daytoy iti barangay ngem iti kabangibang da a barangay ket addan ti kastoy a pasamak.
Kabayatanna, plano da nga idanun ti nasao a banag kadagiti otoridad tapno maikkan ti importansya ken saanen a maulit ti nasao a pasamak.
