LAOAG CITY – Natay ti maysa a lalaki idinto a nasugatan ti maysa a menor de edad kalpasan ti panagdinnungpar ti dua motorsiklo iti paset ti Batac-Banna Road iti Brgy. Nagirangan, idiay ciudad ti Batac.
Nabigbig ti natay a ni Glen Gabbac, agtawen ti 39, residente ti Brgy. San Pedro iti nasao a ciudad idinto a ti saanen a nabigbig a menor de edad ket residente ti Brgy. Capacuan iti nasao met laeng a ciudad.
Segun ti inisial nga imbestigasyon ti PNP-Batac, bayat na agpapadaya a direksyon ti motorsiklo ni Gabbac ket aksidente a nadungpar na iti kasinnabat na a motorsiko.
Naamoan a posible nga agpada a napataray dagiti nasao a behikulo a nangitunda ti nakaam-ames a desgrasya.
Gapu iti daytoy, nagpasar ti nakana a sugat it nagduduma a paset ti bagi dagiti dua a lalaki ken dagus a naitaray iti Mariano Marcos Marcos Memorial Hospital & Medical Center iti nasao a ciudad ngem naideklara a dead on arrival ni Gabbac.
Iti agdama, nagtalinaed ti menor de edad iti nasao nga ospital para iti naan-anay a pannakataming na.
Agtultuloy met ti imbestigasyon dagiti otoridad iti napasamak.
