LAOAG CITY – Maiyuswat ti reshuffling kadagiti comelec officers iti intero a pagilyan sakbay iti May 13 Midterm elections.
Daytoy ti kinumpirmaran ni Atty. Joel Ginez, election supervisor iti Comelec ditoy probinsya.
Inlawlawag na a ti nasao nga addang ket naipalaon iti Election Omnibus Code.
Kabayatanna, inpakaammo ni Ginez nga adda iti yellow category ditoy ciudad ti Laoag, iti ili iti Solsona, Sarrat, Bacarra, Marcos ken Pagudpud idinto nga orange category ket iti ili ti Badoc ken Pasuquin.
Segun ken ni Ginez, kayat a sawen ti yellow category ket adda dagiti napaspasamak nga insidente nga adda ti pannakainaig dagiti napalpalabas nga eleksyon idinto a ti orange category ket adda iti seryoso a pangta iti maysa nga ili babaen iti rebelde nga NPA ken dadduma pa lawless elements.
