LAOAG CITY – Binigbig ti Guinness World Records ti maysa a bumbero iday Florida, USA kas kabassitan a babai a bumbero iti intero a lubong.
Naala ni Autumn Kelso ti official title a “shortest firefighter (female)” kalpasan a narukod ti kadakkelna a 4 a kadapan ken 10 a pulgada.
Kabayatanna, lima a tawenen nga agserserbi ni Kelso kas maysa a bumbero idiay St. Pete Beach, Florida.
Karaman iti trabhona ket ti panagresponde iti uram ken kadagiti dadduma nga emerhensia, pakairamanan ti panagmaneho ti fire truck, pangusar ti high-powered hose ken ti panagserrekna kadagiti maur-uram a pasdek.
