LAOAG CITY – Naburak ti maysa a lalaki manipod iti Idaho ti sabali manen a titulo para iti flipping cups.
Ni David Rush ket addaanen ti nasurok a 200 a Guinness World Records titles, no sadinno a ti kaudian nga iggem na a titulo ket ti “fastest time to flip 10 cups”.
Nagpaot ti 6.63 seconds ti panagipatayok ni David ti 10 a tasa a nangitunda ti pannakaburak na ti nasao a titulo.
Inlawlawag ni David a ti immuna a kinarit na para iti nasao a challenge ket ti katrabaho na a ni Alex.
Kuna na a nagpaot ti lima a bolan sakbay a naan-anay a naala na ti technique para iti daytoy.
