LAOAG CITY – Naburak ti maysa a lalaki manipod idiay Britanya ti Guinness World Record babaen ti panaglugan n ti 55 a roller coasters iti uneg laeng ti maysa a lawas.
Inwaragawag ti Guinness World Records a ti Dean Stokes, agtawen ti 36, ti baro a record holder para iti kaadoan ti nagluganan a roller coasters iti maysa laeng a lawas kalpasan a naartapan na ti 30 a dati rekord.
Segun ken ni Stokes, rinugyan na a gandaten a gun-oden ti nasao a titulo idi Agosto 2 iti Brighton Palace Pier.
Kuna na a ti orihinal a plano na ket aglugan iti nasurok nga 60 a roller coasters iti uneg ti maysa a lawas.
Nupay kasta, gapu iti saan a napintas a sasaaden ti panawen ket nagserra ti dua pay a theme parks a plano na a pangiyuswatan isut gapuna a nagpatingga laeng iti 55.
Inpakaammo na a ti paborito na a coaster ket ti Icon iti Blackpool Pleasure Beach.
