LAOAG CITY – Kalikagum ni Hon. Hanson Chua, board member ditoy probinsia a dagiti renewable energy companies nga umay ag-invest ditoy Ilocos Norte ket direkta a mangilatangda ti enerhiya a mapan iti Ilocos Norte Electric Cooperative.
Segun kenkuana, no man saan a numero uno, ken maika-dua ti probinsia iti intero a pagilian a pakakitaan dagiti naruay a renewable energy ket masapol a ti mismo a lugar tayo ti mabenepisiaran.
Inlawlawagna, nga ado dagiti mamati a ti koma probinsia tayo ti kababaan ti bayad ti kuryente ngem saan met gapu ta arigna agpulpuligos ti proseso ti panaggatang tayo ti enerhiya nga imbes a direkta a mapan iti kooperatiba nga isu pay ti rason nu apay nga adda ti systems loss.
Innayonna, a ti nababa a presio ti kuryente ket mangatrakar pay kadagiti negosiante.
Kabayatanna, inbatadna a babaen ti lungalong ket karaman dagiti agdama a renewable energ ditoy probinsia ket magutigotda a mangilatang ti ma-produce-da nga enerhiya para laeng ditoy probinsia.
Kinunana a basar iti duktalda, umabot iti 200 megawatts ti kabaelanda a ma-produce ken adda pay ti dadduma nga agsubra isu nga iddependa nukwa dagiti equipment.
