LAOAG CITY – Umabot iti sangapulo ket lima a household iti Laoag City ti nabenepisiaran iti programa a pasilaw ti Ilocos Norte Electric Cooperative (INEC) iti napalabas a lawas.
Segun ken ni Laoag City Mayor James Bryan Alcid, agtultuloy ti panangipatungpal ti INEC iti energization program, nangruna kadagiti lugar a saan pay a naidanon ti kuryente wenno nakapsut pay ti suplay ti elektrisidad.
Innayonna nga iti tunggal lawas, ket i-update ti INEC ti listaan dagiti potensial a benepisiario babaen kadagiti barangay, agraman dagiti household nga awan pay ti silawda.
Kunana a dagiti residente a makapadas iti problema iti kuryente ket mabalinda nga ipakaammo kadagiti barangay officials-da, mangisurat ti request babaen iti opisina ti City government tapno maendorso dagitoy iti Ilocos Norte Electric Cooperative (INEC).
Panggep ti INEC a maipatungpal ti 100 porsiento nga energization iti intero a probinsia ti Ilocos Norte inton tawen 2028.
Kabayatanna, inbatad ni Mayor Alcid a karaman met iti target-da dagiti baro a household wenno dagiti kabarbaro a residential areas a saan pay a nadanonan ti linya ti kuryente.
Immunan iti daytoy, iti immay panagbisita ni Sen. Imee Marcos idi Sabado ket ditoy a maysa iti siudad ti Laoag kadagiti nabenepisiaran iti electrification iti intero a probinsia ti Ilocos Norte.
