Nagbalin a ‘proud parents’ ti showbiz couple a da Marian Rivera ken Dingdong Dantes iti recital performance ti anakda a ni Zia Dantes.
Iti nadakamat a recital, inpakita ni Zia ti talentona iti panagkanta.
Babaen iti Instagram Stories, in-share ti Kapuso Primetime Queen ti video performance ni Zia ken inpakitana pay ti panagayat ken suportana iti anakna.
Kabayatanna, dinayaw met dagiti netizens ti performance ni Zia ken kaadoan dagitoy ti nangibaga a karuprupa ni Zia ti Filipina-American singer-songwriter a ni Olivia Rodrigo.
Immunan a nagbalin a ‘proud parents’ da Marian ken Dingdong iti umuna nga stage performance ni Zia iti “Be Our Guest” Concert idi 2024.
Ni Zia ti umuna nga anak ti agasawa a naipasngay iti Nobiembre 23, 2015. Kabayatan a naipasngay idi Abril 16, 2019 ti inaudi nga anakda a lalaki a ni Sixto.
