LAOAG CITY – Naiget ti suporta ni Marian Rivera iti asawana a ni Dingdong Dantes nga agakem kas Necrofost iti ‘Sun Chaser’ series.
Naipabuya iti YouTube ti trailer ti ‘Sun Chaser’ series ken malasin nga aramid ti Pinoy daytoy nupay nausar ti pagsasao nga Ingles.
Mangngegan pay ti timek ni Charo Santos-Concio nga agsasao iti Tagalog.
Ni Charo ti boses iti likud ti karakter ni Lola.
Iti baet a saan pay a nangngeg ti boses ni Dingdong kas Necrofost ngem naruayen a fans ti aktor ti nagrambak pakairamanan ti asawana a ni Marian.
Ad-adda manen a nagbalin a proud ni Marian gapu ta ti anakda a ni Zia Dantes ti napili nga agtimek iti karakter ni Sessa.
Malaksid kada Dingdong ken Zia, karaman pay dagiti boses da Liza Soberano kas Angie/Queen Marisol, Manny Jacinto kas Jordan, Eugene Cordero kas Archie, JR de Guzman kas JR, AC Bonifacio kas Zoe ken KD Estrada bilang La Bamba.
Ti ‘Sun Chaser’ series ket pinartuat da Bobby Pontillas ken Bernard Badion a maysa a Filipino mythology-inspired indie web series.
