LAOAG CITY – Isardengen ti China Airlines ti rota na a Beijing-Hawaii mangrugi intono Agosto 8 ita a tawen.
Ti nagbalin a desisyon ti Chinese Flag Carrier ket gapu iti agtultuloy a panababa ti bilang dagiti pasahero da.
Immunan a sinuspenso ti nasao nga airlines ti biyahe na nga Honolulu-Beijing gapu ti bumasbassit a bilang dagiti pasahero da.
Maipalagip nga idi Hunyo ita a tawen ket nangiparuk-at ti travel advisory ti Beijing kadagiti Chinese a liklikan da ti mapan idiay Amerika gapu kadagiti mapaspasmak a kinadamsak iti nadakamat a pagilyan.
Iti report, kadagupan kadagiti 50 nga estado iti Amerika ket ti Hawaii ti kababaan ti kaso ti kinadamsak.
