LAOAG CITY – Nagtalinaed iti kustodyar ti PNP ditoy ciudad ti Laoag ni Provincial Security Guard Rolando Simon.
Daytoy ket kalpasan a naakusaran a nangmolestya iti agtawen ti 14 a menor de edad a babai iti Marcos Stadium, agarop alas-9:30 iti rabii idi kalman.
Rumrumuar a nakainom ti nasanger ni Simon idi napasamak ti krimen.
Iti impormasyon a nakalap ti Bombo Radyo Laoag, kabayatan a nakaduty ni Simon iti Marcos Stadium ket adda met ti biktima ken dagiti sumagmamano a papagayam na iti lugar.
Segun ti report, makaisbo ti biktima isut gapuna a pinapanaw ni Simon dagiti kakadwa na ken inlugan na ti balasitang iti traysikel na tapno mapan na itulnog iti Comfort Room (CR) ken maipagarop a ditoyen a napasamak ti krimen.
Naamoan a kadwa ti biktima ti ina na a napan nagreport iti PNP mainaig iti napasamak, ken insigida met a napan tiniliw dagiti otoridad ni Simon.
Saanen a sinungbatan ni Simon dagiti dadduma a saludsud kenkuana ti Bombo Radyo Laoag, ngem inadmitir na nga inlugan na iti traysikel na ti biktima a napan iti CR.
Immunan nga inbatad ni Mr. Rommel Lorenzo, ti mangidadaulo ti PSG iti kapitolyo probinsyal, saanna nga ammo no naginuman ni Simon gapu ta nakaduty daytoy.
Nupay kasta, kuna na a mabalin nga inawis ti kadwa na a trainor ni Simon.
