LAOAG CITY – Kinumpirmaran ni Bombo International Correspondent Mariane Curammeng idiay Dubai a fake news dagiti agwarwaras a damag a maysa ti Dubai ti raoten ti Iran.
Kuna na nga awan ti natibker a pagibasaran da mainaig ti nasao a madamdamag.
Inpalgak ni Ms. Curammeng a basar iti Foreign Affairs and International Cooperation ket saan a maapektaran dagiti amin nga umili agraman dagiti Pilipino iti nasao a pagilian.
Mainaig iti daytoy, inpasigurado na a naiget a seguridad ti ipapaay ti United Arab Emirates kangrunaan iti Dubai a pakaiwayatan ti world expo a mangrugi intono Oktubre 20, 2020 agpatingga intono Abril 10, 2021 nga atendaran dagiti 136 a pagilian.
Innayon na nga addan ti naited kadagiti OFWs a pakaammo manipud ditoy Pilipinas partikular dagiti numero a mabalin a tawagan da no adda ti agbalin a problema.
