LAOAG CITY – Natiliw ti dati a barangay kagawad babaen ti bileg ti warrant of arrest nga inparuk-at ti Regional Trial Court Branch 65 ditoy siudad ti Laoag.
Nabigbig ti akusado a ni Oscar Aguilar y Ambanta, agtawen ti 39, naasawaan ken dati a barangay kagawad iti Brgy. 8 San Antonio iti ili ti Sarrat.
Napilaan ti kaso a frustrated murder ken nairekomendar ti 200 a ribo a pisos a piyansa para ti temporaryo a pannakawaya-waya na.
Naamuan ti Bombo Radyo a naakusaran ni Aguilar a pimmaltog iti karruba na idi Disyembre 2018.
Nagtalinaed iti kustudyar ti Criminal Investigation and Detection Group iti INPPO sakbay a maipaima iti korte a naggapuan ti warrant of arrest.
