LAOAG CITY – Agsentro iti imatang ti Pugad Lawin Philippines Ilocos Norte chapter iti panangipaay kadagiti school supplies para kadagiti estudyante a karaman iti panagalburuto ti Taal Volcano idiay Baatangas.
Segun kenni Engr. Neil Jose, mangidadaulo iti Pugad Lawin Ilocos ken Incoming National President iti nasao a grupo, iraprapinen dagiti mangisursuro iti mangipaay ti leksiyon kadagiti agad-adal bayat nga adda da iti evacuation center.
Inlawlawag na a daytoy ti bassit ti naidonar malaksid dagiti makan ken naruay metten dagiti used clothes nga indonar dagiti nagduduma a grupo.
Naoserbaran dagiti kagrupo na idiay Batangas a nagkaiwara dagiti bottled water ken luplupot gapu ti kaadu dagiti nagidonar.
Kuna na nga inpasardeng payen dagiti otoridad iti panangipatulod ti bottled water iti nasao a lugar.
Kiniddaw ni Engr. Jose kadagiti kayat na ti mangted kadagiti school supplies nga idanun iti Bombo Radyo Laoag tapno ditoy iti pangalaan da kadagiti donasyon a maited idiay Batangas.
