LAOAG CITY – Indauloan ti Filipino Cyclists In Rome (FCR) ti naiwayat a BANGON BATANGAS – Ride For A Cause a sinupurtaran dagiti siklista a Pilipino kas iti grupo ti Ilocos United Bikers (IUB), Pinoy Bikers Community of Rome (PBcR), Ultimate Distance Riders (UDR) ken dadduma pay.
Nagyaman ti pannakangiwat ti Filipino Cyclists in Rome a ni Jimpee Palagud kadagiti amin a nakipagpaset iti aktibidad tapno matulongan dagiti residente idiay Batangas.
Inbatad met ni Mr. Arnel Tagelo, tubo iti probinsya ti Ilocos Sur ken presidente iti Ilocos United Bikers iti Roma iti pannakipagkaykaysa dagiti Pilipino iti nasao a lugar.
Kiddaw na iti agnanayun a panagkaykaysa dagiti Pilipino tapno matulongan dagiti agkasapulan ti tulong iti Batangas.
Kuna met ni Mr. Demetrio Rafanan, maysa a biker ken tubo iti Ilocos Sur, nga agsardeng kuman ti aktibidad ti bulkan taal tapno saanen a marigatan dagiti umili.
Immabot iti 900 a Euro ti naukkon da a kuarta a maipaima iti Sentro Pilipino Chaplaincy wenno iti Philippine Embassy tapno maipatulod kadagiti naapektaran a residente idiay Batangas.
