LAOAG CITY – Patyen ni Mrs. Alma Agustin, iti Brgy. 19, San Lorenzo iti ili ti San Nicolas a namunganay ti pannakauram ti pagtaengan na babaen ti kayo a nausar pinagsungrod na.
Kuna na a nagluto ti sidaen da ken nangipapudot ti danum idi rabii.
Sinebseban na dagiti nausar a kayo idi nakaluto ken inpasanggir na iti pader a kaabay dagiti papel a pagar-aron na.
Saan a ninamnama ni Agustin a naggil-ayab ti apoy kalpasan a natumba ti naipasanggir a kayo kadagiti papel iti abay na.
Mainaig iti daytoy, naglikudan na a nagluto ti balot idi rabii ngem ketdi inusar ti anak na a pinagdigus ti naipapudot a danum.
Inpetteng na nga agmaymaysa idi mauram ti balay da ken adda iti trabaho ti anak na a saan a kas iti iimun-unan a report a kadwa na daytoy.
Nasalbar laeng ni Agustin dagiti taraken da nga aso, pusa ken dagiti sumagmamano a a kagamitan da.
Gapu iti daytoy, nagkiddaw ni Agustin ti tulong kadagiti naayat ti panagpuspuso na a tulungan da kadi daytoy.
