LAOAG CITY – Temporaryo nga isardeng ti China Eastern Airlines ti biyahe da mangrugi intono bigat Lunes idiay Hawaii.
Daytoy ti inpakaammo ni Bombo International Correspondent Manny Pascua kalpasan a nangiparuk-at ti pammilin ni Lieutenant Governor Josh Green gapu pay laeng iti problema ti novel corona virus.
Immunan a naipakaammo iti publiko nga iti Honolulu International Airport ti maysa kadagiti nagserkan dagiti pito pasaheros manipud idiay China.
Naamuan ni Pascua a ti nasao nga airline company ti kakaisuna a direct flight manipud idiay China.
Innayon na a nagdesisyon ti nasao a kompanya a temporaryo nga isardeng da ti biyahe da manipud Shanghai, China – Honolulu, Hawaii vice versa.
