LAOAG CITY – Dinayaw ni Engr. Ma. Venus Torio, District Engineer iti First Engineering District ti DPWH ditoy probinsya ti suporta ti PNP kadagiti programa da kas iti road clearing operation.
Daytoy ket kabayatan ti panagbitla na iti selebrasyon ti maika-29 nga anibersaryo ti Camp Valentin S. Juan.
Kuna na a babaen ti tulong ti PNP ket nagballaigi ti DPWH iti panangiwayat da ti road clearing operation.
Namnamaen ni Torio iti suporta ti PNP kadagiti sumarsaruno a programa ti DPWH.
Innayon na a dakkel pay ti naitulong ti PNP iti departamento kangrunaan dagiti naglabas a kalamidad.
Immuna iti daytoy, naiwayat iti wreath laying ceremony, 21 guns salut iti estatua ni Valentin S. Juan.
Inatendaran dagiti sumagmamano nga opisyal kas kenni ABC President Virgilio Calajate iti ili ti Badoc kenni Barangay Chairman Dan Tolendanes.
