LAOAG CITY – Manamnama a dumalan iti swab test ti asawa ken anak ni IN-C454 a residente iti Barangay 18, San Pedro iti ili ti San Nicolas.
Segun kenni Barangay Chairman Angelus Ulep iti nasao a barangay, dagus a pinabantayan na ti ligason a pagnanaedan ni IN-C454.
Kuna ti kapitan nga idi nagbyahe ni IN-C454 ket ditoy a naduktalan a positibo iti antigen test rason a dimmalan iti swab test ket kumpirmado a positibo iti virus daytoy.
Gapo iti daytoy, dagus met a dimmalan ti swab test dagiti katrabahoan ni IN-C454 ken negatibo da iti makapatay a virus.
Addan metten iti quarantine facility ti nasao a pasyente idinto a dagiti agina na ket adda da pay laeng iti pagtaengan da nga isu ti banbantayan dagiti opisyal.
Mainaig iti daytoy, kuna ni Ulep a saan na pay a makumpirmaran ti impormasyon seknan iti rumrumwar a damag a ni IN-C454 ket napan iti merkado publiko iti ciudad ti Batac.
