LAOAG CITY – Ad-adalen dagiti pannakabagi ti Health Sector ditoy probinsya dagiti pagaannurutan nga adda ti pakainaigan na iti turismo.
Daytoy ket kalpasan nga adda ti naimaldit a kaso ti baro a variant ti covid-19 ditoy pagilyan.
Segun kenni Provincial Tourism Officer Mr. Ianree Racquel, ad-adalen pay laeng dagiti dodoktor ditoy probinsya no kasapulan dagiti restrictions kadagiti turista a sumsumrek ditoy Ilocos Norte.
Nupay kasta, inpasingked na nga amin turista nga um-umay bumisita ditoy probinsya ket maipadalan da iti test iti Pinili Triange.
Iti agdama ket awan pay ti baro a rekomendasyon no malimitaran dagiti sumsumrek nangruna no dagiti turista a naggapo iti lugar nga addaan ti kaso ti baro a variant ti covid-19.
