LAOAG CITY – Nanayunan manen ti 24 a baro a kaso iti covid-19 virus ditoy probinsya.
Basar iti inparuk-at a datos iti opisina ni Governor Matthew Marcos-Manotoc, kaadoan kadagiti baro a kaso ket taga-San Nicolas, Ilocos Norte.
Sagtatallo iti Barangay 16, San Marcos ken iti Barangay 14, San Gregorio iti ili ti San Nicolas; pito iti Barangay 11, San Fernando; dua iti Barangay 19, San Lorenzo ken saggaysa iti Barangay 22, San Guillermo ken Barangay 18, San Pedro iti nasao nga ili.
Kabayatanna, karaman pay iti baro a kaso ti dua a taga San Pedro iti ili ti Paoay; maysa iti Barangay Nangalisan-A ditoy ciudad ti Laoag; dua iti Barangay 24, San Roque iti ili ti Sarrat ken saggaysa iti Barangay Ben-agan ken Barangay 3, Cangrunaan iti ciudad ti Batac..
