LAOAG CITY – Inbatad ni Barangay Chairman Ruben Alupay Jr. iti Barangay Banban iti ili ti Bangui a nakigtot idi naipadanon kenkuana a pimmusayen ni IN-C2369, agtawen ti 58, agtagikua iti parlor iti Barangay 16 ditoy ciudad ti Laoag.
Segun kenni Alupay, idi malem ti Sabado ket nagawid ni IN-C2369 iti barangay da ken iti rabii ti Lunes ket napan nangala ti pamilya na iti certification iti barangay tapno makastrek da iti ospital.
Kunana nga it kabigatan daytoy wenno iti Martes ket naipadanon kenkuana a positibo ti antigen ti test ni IN-C2369 rason a dimmalan iti RT-PCR test ken positibo latta iti virus agingga a pimmusay.
Inlawlawag na a gapo iti daytoy ket agdama a nakalockdown ti ligason ni IN-C2369 no sadinno ket innem a pamilya ti apektado.
Dinakamat ti kapitan a ti patyen ti pamilya ni IN-C-2369 a ditoy ciudad ti Laoag ti nakalaan na ti virus.
Mainaig iti daytoy, kuna ni Barangay Chairman Rey Fariñas iti Barangay 16 ditoy ciudad ti Laoag a nabayagen a saan a nagaoperar ti parlor ni IN-C2369.
Innayon na nga iti agdama ket naka-isolate ti kadkadua ni IN-C2369 iti parlor.
