LAOAG CITY – Nagpilan ti certificate of candidacy na ni 2nd District Representative Angelo Marcos Barba para iti panagpaidasid na manen iti nasao a posisyon.
Binayabay da Gov. Matthew Marcos Manotoc, Vice Gov. Cecilia Araneta Marcos ken Sang. Panlalawigan Domingo Ambrucio ni Barba iti panagipila na ti COC na.
Iti pannakainterview ni Barba babaen kadagiti kameng ti media, kunana a ti iprayoridad na ket ti panagbangon manen kangrunaan na iti maikadua a distrito.
Kunana a karaman kadagiti kalikagom na a padur-asen ket ti sektor ti edukasyon, agrikultura, turismo ken ti livelihood program kas panagbangon manipud iti epekto ti pandemya ditoy probinsya.
Kabayatanna, agpapan maisursurat ti damag ket awan met pay ti nagpila ti COC iti kina-diputado iti maikadua a distrito.
