LAOAG CITY – Naiyuswat ti public hearing iti Laoag City Hall seknan iti pannakaamendar ti Traffic and Order Code ditoy ciudad partikular iti violation fee ken dadduma pay.
Kangrunaan a natratar ket ti multa dagiti aglabsing no sadinno ket kalikagom ti Sang. Panlungsod a maipababa daytoy iti 500 a pisos manipud iti sanagribo a pisos.
Ditoy a kiniddaw met dagiti presidente ti TODA ken operators a maipababa pay iti 150 a pisos ti multa manipud iti plano a 500 a pisos tapno maipada iti mabaybayadan iti ciudad ti Batac.
Nupay kasta, kuna ni Sang. Panlungsod Member Edison Bonoan, saan da a mabalin nga isubli iti 150 a pisos ti multa dagiti aglabsing.
Segun kenni Bonoan, iti laksid daytoy ket pagsasaritaan da daytoy a banag.
Maipalagip a ti rason no apay a kalikagom ti Sang. Panlungsod nga amendaran daytoy ket ado dagiti maaw-awat da a sentinyemto a nangina unay ti sangaribo a pisos a multa nangruna ket panawen ti pandemya.
