LAOAG CITY – Naiyuswat ti search warrant operation iti M.V. Fariñas Street/Bagumbayan iti Barangay 9 ditoy ciudad ti Laoag partikular iti pagnanaedan nga apartment ni Rumolo Aspiras Jr.
Ti operasyon ket inyuswat ti Provincial Drug Enforcement Unit (PDEU), PNP Laoag ken Provincial Drug Enforcement Agency (PDEA).
Nakailanad iti search warrant a ti mabirok iti pagtaengan ni Aspiras ket maipagarop a shabu.
Nabirukan dagiti otoridad iti ummuna a kadsaaran ti pagtaengan da partikular iti cabinet iti kwarto da Aspiras ti lima a sachet ti maipagarop a shabu ke n tallo a sachet iti maysa bulsa ti short pants a nakasabit iti likod ti ridaw, drug paraphernalia, plastic, kartib, straw, ken maysa a kapsula ti saan pay a nadaterminar a paltog.
Naamoan a ni Aspiras ket high value individual ken karaman iti Drug Watchlist iti Regional Level
Kabayatanna, inpetteng ni Aspiras a maipagarop nga adda ti ummuna a simrek iti apartment sakbay a pormal a naimplementar ti operasyon.
Innayun na nga awan dagiti nauray nga opisyal sakbay a pwersa a nasukimat ti pagtaenganna.
Inpetteng na nga uray dumalan iti fingerprint ket awan ti pakainaigan na kadagiti akusasyon kontra kenkuana.
Kuna pay ni Aspiras a saan a drug surrenderree ken kaunaman ket saan a nagusar iti iligal a droga.
