LAOAG CITY – Inbatad ni Atty. Arnedo Valera, US-based lawyer nga ipakpakita ni Russian President Vladimir Putin a kabaelan na ti agusar ti pwersa babaen iti panangserrek na iti Ukraine.
Daytoy ket kalpasan ti panangraoten ti Russia iti Ukraine iti baet dagiti sanctions nga inpataw dagiti sumagmamano a pagilyan.
Segun kenni Valera, ti panagkiddaw ti tulong dagiti dua nga indeklara ni Putin a republica tapno serken ti Ukraine.
Inlawlawag na a ti kangrunaan a target iti sanction ti NATO ken sumagmamano a pagilyan nga agkalikagom a tumulong iti Ukraine ket ti panangpilay iti Russian finances ken technologies.
Kunana nga iti agdama ket saan pay a makita ti pudno nga epekto dagiti sanction a naipataw kontra iti Russia.
