LAOAG CITY – Kinumpirmaran ni Police Lt. Rudy James Jacalne, chief of police ti PNP-Piddig a boluntaryo a simmuko kadakuada ti dati a rebelde manipud iti Communist Front Organization.
Binigbig bi Jacalne ti simmuko a dati a rebelde iti alyas a Ka Agba, agtawen ti 48.
Segun kenni Jacalne, ni Ka Agba ket kimmappeng iti rebelde a grupo idi 1986 ken na-recruit manen daytoy idi 2017 babaen iti Martial Law Victims Association in Ilocos Norte.
Nupay kasta, kunana a kinalikagoman ni Ka Agba a madalusan ti nagan na isut gapo na a simmuko kadagiti otoridad.
Inbatad pay ni Jacalne nga iti panagturong da iti pagtaengan ni Ka Agba ket insuko na pay ti shotgun na a maysa kadagiti inus-usar na idi aktibo pay laeng iti grupo.
Kunana a kinasarita da pay ni Ka Agba iti gagem nga adda pay dagiti isuko na a paltog nangruna ket naibaga na nga inkali da dagiti dadduma pay nga armas.
Mainaig iti daytoy, inbatad ni Jacalne a ti lugar a pago-operaran ti dati a rebelde ket iti probinsya ti Ilocos Sur ken Abra.
Innayon na nga inkoordenar metten ti PNp iti lokal a gobierno para iti pannakaipaay ti tulong kas paset ti programa ti gobierno national a mangipakita ti suporta da kadagiti simmuko a rebelde.
Kabayatanna, gutgutiguten pay ni Jacalne dagiti rebelde nga agsubli iti salinong ti gobierno.
