LAOAG CITY – Umaboten iti 177 a rangtay ti nalpas manipud iti 180 a target nga establisaren ti Department of Agrarian Reform (DAR) iti intero a pagilyan.
Daytoy ti inbatad ni Department of Agrarian Reform Secretary Bernie Cruz.
Karaman a kadagiti naestablisar ket ti rangtay iti Brgy. Sumader ditoy ciudad ti Batac nga agatiddog ti 30 a metro ken napondoan ti 8.3-milyon a pisos.
Segun ken ni Cruz, dagiti nausar a materyales kadagiti naestablisar a rangtay ditoy pagilyan ket kapada dagiti nausar iti pannakaipatakder ti Eiffel Tower idiay France.
Gapu iti daytoy, ibilang ni Cruz a natibker ken napintas dagiti rangtay no sadinno a mamati a saan a basta madadael dagitoy.
Inpakaammo ni Cruz a ti nausar a pondo para kadagiti proyekto da ket inutang da a mabayadan iti uneg ti 25 a tawen.
