LAOAG CITY – Inlungalong ti Department of Finance (DOF) ti panangipaay ti P200 monthly subsidy kadgaiti marigrigat a pamilyan iti uneg ti makatawen tapno malaay-ayan ti dakkel nga epekto ti panagngato ti presyo dagiti produkto a petrolyo.
Iti Talk to the People, inpresentar ni DOF Secretary Carlos Dominguez III ti lungalong da kenni Presidente Rodrigo Duterte kageddan ti panangirekomendar na nga agtalinaed ti excise tax kadagiti oil products iti laksid ti panawagan a masuspenso daytoy.
Segun kenni Dominguez, iti target a 200 a pisos iti kada bulan iti tunggal pamilya ket agkasapulan ti P33.1 billion iti budgetary requirements.
Inadmitir ni Dominguez a ti nasao a kantidad ket posible a saan a makaanay ngem daytoy laeng ti kabaelan ti gobierno nga ipaay iti agdama.
Innayon na a daytoy ti patyen na a kapintasan nga addang tapno umabanse ti finances ti pagilyan ken tapno napintas latta ti budget ti pagilyan para iti sumaruno nga administrasyon.
Maipalagip a kontra ti DOF iti lungalong a masuspenso ti excise tax ti petrolyo gapo ta umabot iti P138.8 billion wenno 0.6% iti gross domestic product ti pagilyan ti mabalin a mapukaw no maipatungpal daytoy.
Kabayatanna, inaprubaranen ni Presidente Rodrigo Duterte ti pannakaipaay ti 200 a pisos nga ayuda iti kada bulan.
Daytoy ti kinumpirmaran ni cting presidential spokesperson Martin Andanar said Duterte kalpasan nga inrekomendar daytoy ti DOF.
Malaksid iti daytoy, kunana na inaprubaran pay ti presidente ti panagtalinaed ti fuel excise tax nga inimposar babaen iti Tax Reform for Acceleration and Inclusion wenno TRAIN Law.
