LAOAG CITY – Adda ti lima a kandidato ditoy Ilocos Norte a naaprubaran ti kiddaw da a maipaayan ti security personnel mainaig iti May 2022 elections.
Daytoy ti inbatad ni Police Lt. Col. Roger Digmayo, ti pannakangiwat ti Ilocos Norte Police Provincial Office (INPPO).
Segun kenni Digmayo, karaman kadagiti naipaan ti security personnel ket dua a provincial candidate ken tallo a mayor partikular iti ili ti Marcos, Pagudpud ken Piddig.
Inpetteng na a kadagiti pulis a madutukan kas security personnel dagiti kandidato ket masapol a nakauniporme da a kanayon.
Inlawlawag na a kadagiti dadduma a nagaplikar para iti security personnel ket manarimaan pay laeng ti pannakaiproseso na.
Mainaig iti daytoy, kunana nga iti biang ti ili ti Solsona, kunana nga adda metten ti ditukan ni Police Col. Julis Suriben, ti Provincial Director ti INPPO, a mang-validate iti impormasyon nga adda ti pangta iti biag dagiti sumagmamano a kandidato.
Inpalgak na a no mapaneknekan nga adda ti pangta iti biag dagiti maseknan ket mabalin da nga agaplikar para iti security personnel.
Kabayatanna, kuna ni Digmayo nga addan ti 271 a paltog ti naideposito iti nagduduma a kwerpo ti pulisya sipud Enero 1 agingga idi Marso 22.
