Nangipeksa ti pannakaladingit ni Barangay Kagawad Elviro Agoo, ti Barangay Davila iti ili ti Pasuqiun ti maipagarop a pannakamanipula ti pondo iti PBBM Bawat Barangay Makikinabang Program a naipaay iti barangay da.
Daytoy ket kalpasan ti pannakagatang ti kurong-kurong iti barangay da.
Inlawlawagna nga apaman a naawatda ti pondo a 200 pisos a ribu manipud iti PBBM Bawat Barangay Makikinabang Program no sadinno a ti 100 pisos a ribu ket para iti scholarship program ken ti 100 pisos a ribu a nabati ket para iti procurement iti dadduma a pagkasapulan ti barangay da.
Segun kenkuana, ti 100 a ribu a pisos ket igatangda ti kurong-kurong a mausar para iti panag-patrol ti barangay.
Kinunana nga adda ti nagtawag iti barangay secretary da a maipagarop a manipud iti Provincial Capitol a kunada a maymaysa ti procurement ti pannakagatang ti kurong-kurong.
Impettengna a maysa a panaglabsing ti procurement procedure gapu ta dumalan koma pay laeng ti barangay da ken isu koma ti mangmanehar ti nasao a pondo.
Inladawanna a ti kurong-kurong ket brand new a TMX 125 ken substandard ti pannakaaramid ti sidecar no sadinno a kunana a saan a maiyannatop iti P100 a ribo a pisos.
Naladingitan ni Agoo gapu ta arigna ket nakaro ti pananggundway da iti pondo ti gobierno.
Impettengna a saan a daytoy ti umuna a gundaway a namanipula ti procurement procedure ti pondo a naipaay ti barangay.
Kabayatanna, mangnamnama ni Agoo ti pannakailawlawag ken saan a pannakamanipula iti pondo a maipapaya kadakuada gapu ta nakababain ken ni Presidente Ferdinand Marcos Jr., ti pondo nga ipapayna ket gungundawayan laeng dagiti agturturay iti gobierno.
