LAOAG CITY – Balligi a natiliw ti maibilang a wanted person a babai ditoy ciudad ti Laoag gapo iti kaso a panaglabsing iti RA1602 wenno Illegal Gambling Law.
Ti nasao a babai ket agtawen ti 31 ken residente iti Barangay 1 ditoy ciudad.
Segun kenni Police Lt. Col. Joemar Labiano, chief of police ti PNP-Laoag, natiliw ti nasao nga akusado babaen ti bileg ti warrant of arrest nga inparuk-at ni Presiding Judge Christy Ann Queja-Rivera iti MTCC Branch 1 ditoy ciudad ti Laoag.
Narekomendaran met daytoy a makapagpyansa ti 30 a ribo a pisos para iti temporaryo a pannakawaya-waya na.
Naamoan a ti natiliw ket maysa kadagiti nagsusugal itay kallabes ti maysa a minatayan ditoy ciudad.
