LAOAG CITY – Nadiskubre ti maysa a bangkay iti Sitio Sanbantor, Barangay San Marcelino iti ili ti Dingras.
Nabigbig ti biktima a ni Nestor Damo, agtawen ti 61 residente iti nadakamat a barangay.
Segun kenni Barangay Chairman Larry Pasalo, ti bangkay ket nakita iti kanal nga asideg iti kataltalonan.
Inlawlawag na nga idi rabii ket napan nakiinom ti biktima ken idi agawid ket adda kuma ti mangilugan kenkuana ngem saan na a kinayat.
Inbatad ti kapitan nga itay bigat ket nakita laengen ti biktima nga adda iti asideg ti taltalon.
Kabayatanna, inbatad ni Police Major Julius Basallo, ti chief of police ti PNP-Dingras nga aran ti foul play ken awan ti sinagaba na a sugat basar ti medico legal na.
