LAOAG CITY – Napalaos ti ragsak ni Atty. Brian Jay Corpuz, ti dean ti College of Law iti Mariano Marcos State University (MMSU) iti ciudad ti Batac iti 100 a porsiento a nakapasa iti Bar Examinations.
Segun kenni Corpuz, daytoy metten ti maikatlo a tawen a sumrek ti MMSU kadagiti top performing schools no sadinno nga idi 2018 ket Top 10, Number 3 iti Catergory B idi 2019 ken ita a tawen ket maysa manen kadagiti top performing schools iti Category III.
Karaman kadagiti nakapasa iti eksaminasyon ken baro nga abogado ket da Atty. Ofe Marie L. Balalio, Atty. Nikki Joy F. Barroga, Atty. Czarina Mae Claudine F. Cid, Atty. Juan Paulo P. Flojo, Atty. Alyssa Marie A. Jacinto ken Atty. Leidee January G. Lacambra.
Nakapasa pay da Atty. Myka Josa D. Llaguno, Atty. Zadrick R. Lucas, Atty. Jheia Lindhelle N. Paned, Atty. Marianne Shen L. Petilla, Atty. Alessandra Rica P. Rupisan ken Atty. Niccolo Vittorio T. Santos.
Mainaig iti daytoy, binalakadan ni Corpuz dagiti baro nga abogado ken dagiti estudyante pay laeng a ti pannakapasa iti bar examination ket isu ti rugi iti duty ken responsibilidad nga agserbi kadagiti tattao a mangilaban kadagiti karbengan dagitoy.
